Police ne jabri gmashagiyon ke khalaf rally ko Tor Diya

Police ne jabri gmashagiyon ke khalaf  rally ko Tor Diya

sindh Police ne itwaar ko kai activists ko giraftaar kiya jab aik bara majma logon ka Karachi Press Club (KPC) ki taraf march karne ki koshish kar raha tha Inlogo ne Balochistan aur Karachi mein zabardasti gayab kiye gaye logon ke waqeaat ke khilaaf ihtijaaj kar Taha.

Police or gmashagiyon ke Khalaf  rally

Ihtijaaj karne walay mukhtalif tanzeemon se Taha, jismein Baloch Yakjehti Committee (BYC) aur Voice for Missing Persons bhi shaamil hain, ke numainday thay, jo "Ending silence on enforced disappearances" ke nishaan wala banner uthaye hue thay aur Zainab Market ke qareeb jama huay.

Unhon ne KPC ki taraf march karne ki koshish ki, lekin sab raaste jo wahan le jaate thay, police ne band kar diye gaye aur police ki jewanon ne unhein aagay barhne se rok diya.

Traffic police ne ‘security’ ki wajah se M.R. Kiyani Road ko Fawara Chowk se band kar diya, aur Aiwan-i-Saddar Road aur Sarwar Shaheed Road ka ek hissa bhi KPC tak band kar diya taake ihtijaaj roka ja sake.

Sammi Deen Baloch, jo protest ke leader hain, ne media ko is moqe par bataya ke "aik bara tadaad afrad Balochistan aur Karachi ke mukhtalif hisson se gayab kiya gaya hai." Unhon ne yeh bhi daawa kiya hi ke Karachi me se sirf 9 Baloch talaba ko uthaya gaya hai jin ka kuch pata nahi hai.

Unhon ne kaha ke KPC hamesha se aik qadeem maqam raha hai jahan mukhtalif masail par protest kiya jata hai, lekin is din ke liye tamam raaste band kar diye gaye thay.

Unhon ne kaha ke woh sirf gayab logon ki tasveerain uthaaye hue shehri hain jo apna aman pasand ehtijaaj record karwana chahte hain, lekin unhein roka ja raha hai.

Unhon ne yeh bhi kaha ke woh police ke sath kisi qisam ka "tussle" nahi chahte aur sirf apne dastoori aur qanooni haq ka istemal karna chahte hain.

Is dauraan, BYC ne aik bayan mein daawa kiya ke police ne protest ko muntashir karne ke liye ‘lathi charge’ ka istemal kiya aur kai afrad ko, jismein BYC ke central deputy organizer Wahab Baloch bhi shaamil hain, giraftaar kar liya.

Magar DIG-South Zone Syed Asad Raza ne Media ko bataya ke police ne lathi charge nahi kiya. Unhon ne kaha ke police ne protest ko behtar tareeqay se handle kiya. Magar unhon ne tasdeeq ki ke paanch afrad ko giraftaar kiya gaya hai.

KPC police ke action ki muzammat karta hai

Is dauraan, Karachi Press Club ke president Saeed Sarbazi, secretary Shoaib Ahmed, aur governing body ke members ne raaste band karne aur KPC ki taraf jaanay se rokne par police ki muzammat ki aur isay azadi-e-izhar aur jamhoori huqooq par hamla qarar diya.

President ne kaha ke press club ka ek fakhar mand tareekhi waqar hai jo 1958 se chal raha hai aur hamesha se press ki azadi aur jamhoori huqooq ke liye awaz uthata raha hai, aur mazloom aur mustazafeen ka saathi raha hai.

Kisi bhi shakhs ya giroh ke huqooq ko roknay ki koshish jo protest ka haq rakhta hai, KPC ke raaste band karke ki gayi, toh isay sakht muzammat ka samna karna hoga. Sindh hukoomat aur law enforcement ke ye aamaal ek aameeri daur ki misaal hain. Section 144 ka istemal karke raaste band karna bilkul na qabool hai. Sindh ke governor aur chief minister ko foran is ehm maslay par tawajju deni hogi,” KPC ki management ka jari karda press bayan mein kaha gaya.